Robert Hooke

Robert Hooke
Moderne portret van Robert Hooke
Gebore	28 Julie 1635 Freshwater, Eiland Wight, Engeland
Oorlede	3 Maart 1703 (op 67) Londen, Engeland
Nasionaliteit	Engeland
Vakgebied	argitektuur, chemie, filosofie, fisika, sterrekunde en wiskunde
Instelling(s)	Universiteit van Oxford
Alma mater	Christ Church, Oxford
Ander akademiese adviseur(s)	Robert Boyle
Bekend vir	Hooke se wet mikroskopie invoer van die woord 'sel'
Invloed op	Robert Boyle
Handtekening

Robert Hooke FRS (28 Julie 1635 – 3 Maart 1703) was 'n Engelse argitek, chemikus, filosoof, fisikus, sterrekundige en wiskundige.

Hy het Robert Boyle met eksperimente gehelp wat tot Boyle se gaswette gelei het.

In 1660 het Hooke die wet van elastisiteit ontdek wat sy naam dra en wat die lineêre variasie van spanning met die strekking in 'n elastiese veer beskryf. Vir praktiese doeleindes het Hooke se werk met elastisiteit dit vir die eerste keer moontlik gemaak dat draagbare horlosies met redelike akkuraatheid tyd kon hou.

Die eerste teleskoop en mikroskoop het heel waarskynlik in Nederland ontstaan, tussen 1590 en 1610. Hierdie kennis het gou na ander lande versprei.

Mikroskope wat baie makliker was om te gebruik, is deur Hooke gemaak terwyl hy die sekretaris van die Royal Society was. Hooke het egter gou agtergekom dat dit feitlik onmoontlik was om lense wat 'n werklike duidelike beeld by hoë vergroting kan gee, te slyp en te poleer. Gevolglik het hy glasballetjies gebruik, wat hy verkry het deur glasstawe in 'n vlam te smelt. Hierdie lense was uiters doeltreffend en was 'n groot stap voorwaarts in die ontwikkeling van die mikroskoop.